ការសិក្សាអំពីកុំព្យូទ័រឬមូលដ្ឋានកុំព្យូទ័រដែលមានមុខវិជ្ជាជាច្រើនរាប់បញ្ចូលចាប់ពីការសរសេរកូដដើម្បីអភិវឌ្ឍវេបសាយ និងកម្មវិធីតាមភាសារនីមួយៗបស់កូដ។

ទូរគមនាគមន៍ និងបណ្តាញផ្តោតសំខាន់លើការរចនា ការអភិវឌ្ឍន៍ និងការគ្រប់គ្រងប្រព័ន្ធទំនាក់ទំនង និងបណ្តាញអាចជាប្រព័ន្ទអង់តែន និងអ៊ីធឺណែតជាដើម។

វិស្វកម្មសូហ្វវែរ ផ្តោតលើគោលការណ៍វិស្វកម្ម ការគ្រប់គ្រងគម្រោង និងការធានាគុណភាពនៃប្រព័ន្ធសូហ្វវែរខ្នាតធំ។

ព័ត៌មានវិទ្យានឹងសិក្សាពីការគ្រប់គ្រងបច្ចេកវិទ្យា សរសេរកូដដើម្បីបង្កើតវេបសាយនិងកម្មវិធីទូរស័ព្ទជាដើម។

ការគ្រប់គ្រងបច្ចេកវិទ្យាព័ត៌មាន ផ្តោតលើការប្រើប្រាស់បច្ចេកវិទ្យាដើម្បីសម្រេចបាននូវគោលបំណងអាជីវកម្មតាមរយៈការធ្វើផែនការយុទ្ធសាស្រ្ត និងការត្រួតពិនិត្យធនធាន IT របស់ស្ថាប័នឬក្រុមហ៊ុនមួយ។

សន្តិសុខសាយប័រ ផ្តោតលើការការពារប្រព័ន្ធឌីជីថលឬការពារសុវត្ថិភាពលើអ៊ីធឺណេតដោយត្រូវសិក្សាពីការវាយប្រហារផ្សេងៗដូចជាហេគឃីញ(Hacking)ជាដើម។

ជំនាញនេះផ្តោតលើការកសាង និងថែរក្សាហេដ្ឋារចនាសម្ព័ន្ធទៅលើបណ្តាញអ៊ឺនធឺណេត ការភ្ជាប់បណ្តាញនិងការគ្រប់គ្រងបណ្តាញអ៊ឺនធឺណេត។

វិទ្យាសាស្រ្តទិន្នន័យ & បញ្ញាសុប្បនិម្មិត គឺជាជំនាញថ្មីនៅកម្ពុជាតែមានការចាប់អារម្មណ៍ច្រើន។ ជំនាញនេះសិក្សាអំពីគណិតវិទ្យាច្រើនជាមួយមេរៀនទាំងមូលដ្ឋាននិងកម្រិតខ្ពស់នៃគណិតវិទ្យាដើម្បីចេះវិភាគទិន្នន័យ និងការចងក្រងរៀបចំទិន្នន័យក្នុងការបង្កើតបញ្ញាសុប្បនិម្មិតជាដើម។

Computer Multimedia Design រួមបញ្ចូលគ្នានូវការរចនា បច្ចេកវិទ្យា និងភាពច្នៃប្រឌិត ដើម្បីបង្កើតមាតិកាឌីជីថលដែលទាក់ទាញភ្នែក និងបទពិសោធន៍អន្តរកម្មឆ្លងកាត់គេហទំព័រ កម្មវិធី និងវេទិកាពហុព័ត៌មាន។

វិស្វកម្មមនុស្សយន្ត និងស្វ័យប្រវត្តិកម្ម ផ្តោតលើការរចនា ការអភិវឌ្ឍន៍ និងការរួមបញ្ចូលនៃប្រព័ន្ធមនុស្សយន្តឬរ៉ូបូត និងដំណើរការស្វ័យប្រវត្តិដើម្បីបង្កើនប្រសិទ្ធភាព ផលិតភាព និងសុវត្ថិភាពនៅក្នុងឧស្សាហកម្មផ្សេងៗ។

Cloud Computing គឺជាការចែកចាយធនធានកុំព្យូទ័រ ដូចជាការផ្ទុក ទិន្នន័យនិងកម្មវិធីនៅលើអ៊ីនធឺណិត ដែលអនុញ្ញាតឱ្យអ្នកប្រើប្រាស់ចូលប្រើសេវាកម្មទាំងនេះតាមតម្រូវការ ដោយមិនចាំបាច់គ្រប់គ្រងហេដ្ឋារចនាសម្ព័ន្ធមូលដ្ឋាន។